തലശ്ശേരി: നാപ്പതാമത് അബുദാബി ശക്തി അവാർഡ് സമർപ്പണ ചടങ്ങ് ശനിയാഴ്ച ഉച്ചയ്ക്ക് 2:30-ന് തലശ്ശേരി പേൾവ്യൂ ഓഡിറ്റോറിയത്തിൽ വെച്ച് നടക്കും. നാടകരംഗത്തെ സമഗ്ര സംഭാവനയ്ക്കുള്ള പുരസ്കാരം പ്രശസ്ത നാടക നടി നിലമ്പൂർ ആയിഷയ്ക്ക് സമ്മാനിക്കും.
സി.പി.ഐ.എം. സംസ്ഥാന സെക്രട്ടറി എം.വി. ഗോവിന്ദൻ മാസ്റ്ററാണ് പുരസ്കാരങ്ങൾ വിതരണം ചെയ്യുക. സാഹിത്യ-സാംസ്കാരിക രംഗത്തെ പ്രമുഖർ ചടങ്ങിൽ പങ്കെടുക്കും. വാർത്താ സമ്മേളനത്തിൽ സംഘാടകരായ എ.കെ. മൂസ മാസ്റ്റർ, കെ.പി.എം. അഷറഫ്, കാത്താണ്ടി റസാഖ്, വി.പി. കൃഷ്ണകുമാർ, പ്രജീഷ് മൂങ്ങത്ത്, ബിജിത്ത്കുമാർ, ഒ.വി. മുസ്തഫ, ഷൈനി ബാലചന്ദ്രൻ, ഇ.എം. പ്രദീപ് എന്നിവർ പങ്കെടുത്തു.
