Mahe

കുഞ്ഞിപ്പള്ളി: ദേശീയപാത നിർമ്മാണത്തിന്റെ ഭാഗമായി കുഞ്ഞിപ്പള്ളി ടൗണിലേക്ക് പോവാനും വരാനുമുള്ള വഴി തടസ്സപ്പെട്ടു. സർവ്വീസ് റോഡ് നിർമ്മാണത്തിന്റെ ഭാഗമായി റോഡ് താഴ്ന്നതോടെ ടൗണിലേക്ക് പ്രവേശിക്കാൻ കഴിയാതെയായി. നേരത്തെ ഓവുചാൽ നിർമ്മാണത്തിന്റെ ഭാഗമായി ദിവസങ്ങളോളം വഴി അടഞ്ഞിരുന്നു. ഇപ്പോൾ ദേശീയപാതയിൽ നിന്നും കടക്കുന്ന ഭാഗത്ത് വലിയ താഴ്ച്ചയാണ്. കച്ചവട സ്ഥാപനങ്ങൾ, ചോമ്പാൽ പോലീസ് സ്റ്റേഷൻ, കൃഷി ഭവൻ, അഴിയൂർ കമ്മ്യൂണിറ്റി ഹെൽത്ത് സെന്റർ, ടൗണിൽ നിന്ന് കോറോത്ത് റോഡ്, ഓർക്കാട്ടേരി ഭാഗം, ഓട്ടോ സ്റ്റാൻഡ് എന്നിവിടങ്ങളിലേക്ക് പോവാനും വരാനും ഏറെ ബുദ്ധിമുട്ട് നേരിടുകയാണ്. ചോമ്പാൽ പോലീസ് സ്റ്റേഷന് മുന്നിലൂടെ ദേശീയപാതയിലേക്ക് കടക്കാനുള്ള റോഡ് മാത്രമാണ് നാട്ടുകാരുടെയും മറ്റും ഏക ആശ്രയം. ഈ കാര്യത്തിൽ ജനപ്രതിനികൾ ഇടപെടുന്നില്ലെന്ന് വ്യാപക പരാതി ഉയരുന്നുണ്ട്.കുഞ്ഞിപ്പള്ളി ടൗണിലേക്ക് പോവാനും വരാനുമുള്ള വഴി പുനഃസ്ഥാപിക്കണമെന്ന് താലൂക്ക് വികസന സമിതി അംഗം പ്രദീപ് ചോമ്പാല, ആവശ്യപ്പെട്ടു.

മയ്യഴി:മാഹിപ്പാലത്തിന്റെ അറ്റകുറ്റ പ്രവൃത്തി പുരോഗമിക്കുന്നു. ആദ്യ ഘട്ടമായി പാലത്തിലെ ടാറിങ് പൂർണമായും അടർത്തി മാറ്റി. നിലവിൽ എക്സ്‌പാൻഷൻ ജോയിന്റുകളിലെ തകർന്ന ഭാഗം നീക്കം ചെയ്യുന്ന പ്രവൃത്തിയാണ് നടക്കുന്നത്. തകർന്ന ഭാഗം നീക്കം ചെയ്ത് വെൽഡ് ചെയ്ത് യോജിപ്പിക്കും. തുടർന്ന് മെക്കാഡം ടാറിങ് നടത്ത ടാറിങ് നടത്തി കൈവരി പെയിൻ്റടിച്ച് മോടിപിടിപ്പിക്കും.

ഗതാഗതം നിരോധിച്ചിട്ടും രാത്രിയിൽ ഉൾപ്പെടെ ഇരുചക്ര വാഹനങ്ങൾ കടന്നു പോകുന്നത് അപകടങ്ങൾക്ക് ഇടയക്കുമാകുമെന്നതിനാൽ പാലത്തിൻ്റെ ഇരുവശവും പൂർണമായും അടച്ചു. കാൽനട യാത്രക്കാർക്ക് സഞ്ചരിക്കാനുള്ള സൗകര്യമുണ്ട്. പാലം അടച്ചതിനാൽ ബസ് സർവിസ് പാലത്തിന് ഇരുഭാഗത്തുമായി സർവീസ് അവസാനിപ്പിക്കുന്ന രീതിയാണ് തുടരുന്നത്. ദീർഘദൂര വാഹനങ്ങൾ ബൈപ്പാസ് റോഡ് വഴിയാണ് കടന്ന് പോകുന്നത്.

ന്യൂമാഹി: മാഹിക്ക് പുതിയ പാലം നിർമ്മിക്കുക മാത്രമാണ് ശാശ്വതമായ പരിഹാരമാർഗമെന്ന് സി.പി.എം. ന്യൂമാഹി ലോക്കൽ കമ്മിറ്റി വ്യക്തമാക്കി.
മാഹി പാലത്തിൻ്റെ ബലക്ഷയത്തിനും ശോചനീയമായ അവസ്ഥക്കും പരിഹാരം കാണണമെന്നത് ദീർഘകാലമായുള്ള പ്രദേശവാസികളുടെയും യാത്രക്കാരുടെയും ആവശ്യമായിരുന്നു. ഇക്കാര്യത്തിൽ അധികൃതർ കടുത്ത അവഗണനയാണ് കാണിച്ചത്. പൊട്ടിപ്പൊളിഞ്ഞ പാലത്തിന് മുകളിൽ പതിവായി മണിക്കൂറുകളോളം യാത്രക്കാർ ഗതാഗതക്കുരുക്കിൽപ്പെട്ടിട്ടും അധികൃതർക്ക് അനക്കമുണ്ടായില്ല.

തലശ്ശേരി-മാഹി ബൈപ്പാസ് പ്രവൃത്തി പൂർത്തിയായാൽ മാത്രമേ പാലത്തിൻ്റെ അറ്റകുറ്റപ്പണി നടത്തുകയുള്ളൂ എന്ന മുൻ തീരുമാനത്തിൽ തന്നെ അധികൃതർ ഉറച്ച് നിൽക്കുകയും ജനങ്ങളെ മാസങ്ങളോളം ദുരിതത്തിലാക്കുകയും ചെയ്തു. ഇപ്പോൾ അറ്റകുറ്റപ്പണി നടക്കുമ്പോൾ ഇതെത്ര കാലത്തേക്ക് എന്ന ചോദ്യമുയരുന്നു.

ബൈപ്പാസ് പൂർത്തിയായതിന് ശേഷം ഈ പാലത്തിന് എന്ത് പ്രസക്തിയെന്നാണ് കേന്ദ്ര സർക്കാരിൻ്റെ നിലപാട്. മാഹി പാലം അപകടത്തിലായാൽ മാഹിയുടെയും തലശ്ശേരിയുടെയും വ്യാപാര മേഖല കൂടുതൽ പ്രതിസന്ധിയിലാവും. ഈ മേഖലയിലുള്ളവരുടെ ദൈനംദിന ജീവിതവും തടസ്സപ്പെടും. പാലം തകർന്ന് വീഴുന്ന അവസ്ഥ വരെ കാത്ത് നിൽക്കാതെ നിലവിലുള്ള പാലത്തിന് സമാന്തരമായി എത്രയും വേഗം പുതിയ പാലം നിർമ്മിക്കണം. ഇതിന് കേന്ദ്ര സർക്കാർ താല്പര്യം കാണിക്കുന്നില്ലെങ്കിൽ കേരള – പുതുച്ചേരി സർക്കാർ ഇടപെട്ട് പുതിയ പാലം യാഥാർഥ്യമാക്കാനുള്ള അടിയന്തര നടപടികൾ സ്വീകരിക്കണം. ജനപ്രതിനിധികളും വേണ്ട ശ്രമങ്ങൾ നടത്തണം. ഒപ്പം ന്യൂമാഹി ടൗണിൽ എക്‌സൈസ് ചെക് പോസ്റ്റിന് മുൻവശത്ത് ദേശീയ പാതയിലെ താർ ചെയ്തതിലെ അപാകത കാരണം റോഡ് ഉയർന്നും താഴ്ന്നുമിരിക്കുന്നത് കാരണം ധാരാളം അപകടങ്ങൾ ഉണ്ടായിട്ടുണ്ട്. ഏറ്റവും ഒടുവിൽ രണ്ട് മാസം മുമ്പ് ഇരുചക്രവാഹനം ഇവിടെ അപകടത്തിൽപ്പെട്ട് ഒരു സ്ത്രീ മരിക്കുകയും ചെയ്തിട്ടുണ്ട്. ഇവിടത്തെ അപാകതകൾ പരിഹരിച്ച് റോഡ് നിരപ്പാക്കണമെന്ന ആവശ്യവും അധികൃതർ അവഗണിച്ചിരിക്കുകയാണ്. അടിയന്തര നടപടികൾ ഉണ്ടായില്ലെങ്കിൽ സി.പി.എം. ശക്തമായ പ്രക്ഷോഭത്തിന് നേതൃത്വം നൽകുമെന്നും ലോക്കൽ കമ്മിറ്റി മുന്നറിയിപ്പ് നൽകി.

മാഹി: കോഴിക്കോട് – കണ്ണൂർ ദേശീയ പാതയിലെ മാഹിപ്പാലം അറ്റകുറ്റപ്പണിക്കായി ഇന്ന് അടയ്ക്കും. ഇന്ന് മുതൽ 12 ദിവസത്തേക്കാണ് അടച്ചിടുക. ബലക്ഷയം നേരിടുന്ന സാഹചര്യത്തിലാണ് അറ്റകുറ്റപ്പണി നടത്തുന്നത്. പാലം പൂർണമായി അടയ്ക്കുന്നതിനാൽ ഈ വഴി ഗതാഗതം നിരോധിച്ചു.

കോഴിക്കോട് നിന്ന് കണ്ണൂർ ഭാഗത്തേക്ക് പോകുന്ന വാഹനങ്ങള്‍ കുഞ്ഞിപ്പള്ളിയിൽ നിന്ന് തിരിഞ്ഞ് മോന്താൽ പാലം വഴി പോകണം. കണ്ണൂരിൽ നിന്ന് കോഴിക്കോടേക്ക് പോകുന്ന വാഹനങ്ങള്‍ തലശ്ശേരിയിലെ ചൊക്ലി – മേക്കുന്ന് വഴി പോകണം. അതേസമം ദീർഘദൂര ബസുകള്‍ ബൈപാസ് വഴി കടന്നുപോകും. ഇതിന് മുൻപ് 2016ലാണ് പാലം അടച്ച് അറ്റകുറ്റപ്പണി നടത്തിയത്.

1933ൽ നിർമിച്ചതാണ് മാഹിപ്പാലം. 1971ൽ തൂണ്‍ നിലനിർത്തി പാലം മാത്രം പുനർനിർമിച്ചു. പിന്നീട് പല വർഷങ്ങളിലായി ബലപ്പെടുത്തൽ നടന്നു. പുതിയ പാലം വേണമെന്നാണ് നാട്ടുകാരുടെ ആവശ്യം. എന്നാൽ ഇക്കാര്യത്തിൽ ഇതുവരെ തീരുമാനമായിട്ടില്ല.

മാഹി: തിരുവനന്തപുരത്ത് കോലത്തുകര ക്ഷേത്രത്തിൽ നടന്ന ചടങ്ങിൽ വാഗ്ഭടാനന്ദഗുരുവിൻ്റെ ജൻമദിനാഘോഷങ്ങളുടെ ഭാഗമായി അവാർഡ് നേടിയ ബഹുമുഖ പ്രതിഭകൾക്ക് മാഹി റെയിൽവെ സ്റ്റേഷനിൽ എസ്.എൻ.ഡി.പി.മാഹി യൂണിയൻ പ്രവർത്തകർ ആവേശകരമായ സ്വീകരണം നൽകി
തുടർന്ന് മഞ്ചക്കൽ ജല കേളീ സമുച്ഛയത്തിൽ നടന്ന സ്വീകരണ സമ്മേളനം രമേശ് പറമ്പത്ത് എംഎൽഎ ഉദ്ഘാടനം ചെയ്തു. പ്രസിഡണ്ട് കല്ലാട്ട് പ്രേമൻ അദ്ധ്യക്ഷത വഹിച്ചു.
വിവിധ മേഖലകളിൽ അവാർഡ് ജേതാക്കളായ സജിത്ത് നാരായണൻ, ചാലക്കര പുരുഷു, രാജേഷ് അലങ്കാർ എന്നിവർ സംസാരിച്ചു.ഗുരുദേവ പ്രാർത്ഥനാ സദസ്സുമുണ്ടായി. പി.സി.ദിവാനന്ദൻ, സി. രാജേന്ദ്രൻ, ജിന ദാസ് ,ബീനാ ശശികുമർ, എം.ശ്രീജയൻ കെ. പി. അശോക് ,ഡോ :വിജയൻ, കെ.പി.സജീവൻ, എ സി..ഗംഗാധരൻ, സുചിത്ര പൊയിൽ, കെ.പി.അനൂപ്, രജീഷ് കരായി,വി.എം.ചന്ദ്രി,അരുൺ എന്നിവർ  നേതൃത്വം നൽകി.പ്രഭാത വിരുന്നുമുണ്ടായി.
തിരുവനവനന്തപുരം കുളത്തൂർ കോലത്തുകരക്ഷേത്രാങ്കണത്തിൽ നടന്ന അവാർഡ് ദാന ചടങ്ങ് ഭക്ഷ്യമന്ത്രി അഡ്വ. ജി.ആർ. അനിൽകുമാറാണ് ഉദ്ഘാടനം ചെയ്തത്. മുൻ മന്ത്രി കടകംപള്ളി സുരേന്ദ്രൻ എം എൽ എ മുഖ്യഭാഷണം നടത്തി.
ഗുരു സന്യാസി സുഖകാശ സരസ്വതി (ജ്ഞാനസാഗര പുരസ്ക്കാരം) ചാലക്കര പുരുഷു (മാധ്യമ പുരസ്ക്കാരം) രവീന്ദ്രൻ പൊയിലൂർ ( ശ്രീ നാരായണീയ സാംസ്ക്കാരിക പ്രവർത്തകൻ) സജിത് നാരായണൻ (ശ്രീ നാരായണീയ ദർശന സംഘാടകൻ) രാജേഷ് അലങ്കാർ ( ശ്രീ നാരായണിയ പ്രചാരകൻ) സിബിൻഹരിദാസ് (കഥാകാരൻ) ചിലക്കൂർ മഠം സുദർശനൻ വൈദ്യൻ (വൈദ്യ തിലകം)
എന്നിവരാണ് പുരസ്ക്കാരങ്ങൾ ഏറ്റുവാങ്ങിയത്. രാംദാസ് കതിരൂർ അദ്ധ്യക്ഷതവഹിച്ചു.തിരുവനന്തപുരത്തെ അറിവാണ് ഈശ്വരൻ പഠനകേന്ദ്രം, ഗ്രാമ സ്വരാജ് ഫൗണ്ടേഷൻ എന്നിവ സംയുക്തമായാണ് പരിപാടി സംഘടിപ്പിച്ചത്.
കവയിത്രി ഡോ:ഷൈനി മീരവാഗ്ഭടാനന്ദഗുരുവിൻ്റെ ഛായാപടത്തിൽ ഭദ്ര ദീപം കൊളുത്തി.
കോലത്തുകരരാജലക്ഷ്മി അജയൻ,ഷൈജ കൊടുവള്ളി സംസാരിച്ചു.
ഗിരീഷ് സദാശിവൻ പുസ്തകപരിചയം നടത്തി. ചെമ്പഴന്തിയിലെ ശ്രീ നാരായണ അന്തർദ്ദേശീയ പഠന തീർത്ഥാടന കേന്ദ്രം ഡയറക്ടർ പ്രൊഫ എസ്. ശിശുപാലൻ, കോലത്തുകരക്ഷേത്ര സമാജം പ്രസിഡണ്ട് ജി.ശിവദാസൻ , സുകേഷ് (റിട്ട: ഐ.പി.എസ്) എന്നിവർ പുസ്തകങ്ങൾ ഏറ്റുവാങ്ങി..
തുടർന്ന് തിരുവനന്തപുരം കാവ്യവേദിയുടെ കവിയരങ്ങ് അരങ്ങേറി. വിശ്വംഭരൻ രാജസൂയ്യം മോഡറേറ്ററായിരുന്നു.. ശാസ്ത്രീയ നൃത്ത പരിപാടി, ഗുരുദേവ കൃതികളുടെ ആലാപനം എന്നിവയുണ്ടായി.

മാഹി: മാഹി പാലത്തിൻ്റെ
ശോചനിയാവസ്ഥ പരിഹരിക്കാൻ ദേശിയ പാത അതോറിറ്റി പൊതുമരാമത്ത് വിഭാഗം ഏപ്രിൽ 29 മുതൽ അറ്റകുറ്റ പ്രവർത്തി തുടങ്ങും. തടസ്സങ്ങളില്ലാതെ സമയബന്ധിതമായി പ്രവർത്തി പൂർത്തീകരിക്കാൻ ഏപ്രിൽ 29 മുതൽ മെയ് 10 വരെയാണ് പാലം അടച്ചിടുക. ഗതാഗതം വഴി തിരിച്ചുവിടുന്നതിന് ബദൽ ക്രമീകരണം ഒരുക്കാൻ മാഹി റീജ്യണൽ അഡ്മിനിസ്ട്രേറ്ററോടും കണ്ണൂർ പൊതുമരാമത്ത് വകുപ്പിനോടും ദേശിയ പാത പൊതുമരാമത്ത് എക്സിക്യൂട്ടീവ് എഞ്ചിനീയർ വിനയരാജ് ആവശ്യപ്പെട്ടു.

ഗതാഗത നിയന്ത്രണം ഏർപ്പെടുത്തി

മാഹി പാലത്തിൻ്റെ അടിയന്തിര അറ്റകുറ്റപ്പണി നടത്തേണ്ടതിനാൽ ഇതു വഴിയുള്ള വാഹന ഗതാഗതം 12 ദിവസത്തേക്ക് നിരോധിച്ച് പാലം അടച്ചിടും. കോഴിക്കോട് നിന്നും കണ്ണൂർ ഭാഗത്തേക്ക് പോവുന്ന ബസ്സ് ഉൾപ്പെടെയുള്ള വാഹനങ്ങൾ കുഞ്ഞിപ്പള്ളിയിൽ നിന്ന് വലത്തോട്ട് തിരിഞ്ഞ് മോന്താൽ പാലം വഴിയും തലശ്ശേരിയിൽ നിന്നും കോഴിക്കോട് ഭാഗത്തേക്ക് വരുന്ന വാഹനങ്ങൾ ചൊക്ലി – മേക്കുന്ന് – മോന്താൽപാലം വഴിയോ, മാഹിപ്പാലത്തിന് സമീപത്തുനിന്നും ഇടത്തോട്ട് തിരിഞ്ഞ് പെരിങ്ങാടി – മോന്താൽപാലം വഴിയോ പോകേണ്ടതാണെന്ന് ഗതാഗതനിയന്ത്രണം ഏർപ്പെടുത്തികൊണ്ട് കണ്ണൂർ പൊതുമരാമത്ത് വകുപ്പ് അസിസ്റ്റന്റ് എഞ്ചിനിയർ അറിയിച്ചു.

ബദൽ യാത്രാ സംവിധാനമായി ബോട്ട് സർവ്വീസ് ഒരുക്കണം

മാഹി പാലത്തിൻ്റെ ശോചനീയാവസ്ഥ പരിഹരിക്കാനായി ദേശീയപാത അതോറിറ്റി നടത്തുന്ന പ്രവർത്തിയുടെ ഭാഗമായി പാലം അടച്ചിടുമ്പോൾ ബദൽ യാത്രാ സംവിധാനമായി ബോട്ട് സർവ്വീസ് ഏർപ്പെടുത്തണമെന്ന് മാഹി ബ്ലോക്ക് കോൺഗ്രസ്സ് ജന.സിക്രട്ടറി സത്യൻ കേളോത്ത് നിവേദനത്തിലൂടെ മാഹി റീജ്യണൽ അഡ്മിനിസ്ട്രേറ്ററോട് ആവശ്യപ്പെട്ടു. പാലത്തിൻ്റെ അറ്റകുറ്റപണി നടക്കുന്നതിനാൽ ഏപ്രിൽ 29 മുതൽ 12 ദിവസത്തോളമാണ് പാലം അടച്ചിടുന്നത്. ഈ ദിവസങ്ങളിൽ മാഹിയിൽ നിന്ന് പള്ളൂർ ഭാഗത്തേക്കും തിരിച്ച് മാഹിയിലേക്കുമുള്ള യാത്ര ദുരിതപൂർണ്ണമായിരിക്കും. പ്രാദേശികമായി നിരവധി പേർ ദിനം പ്രതി യാത്ര ചെയ്യുന്ന മാഹി പാലം അടച്ചിടുമ്പോൾ ബദൽ സംവിധാനമായി പി.ടി.ഡി.സിയുടെ ബോട്ട് സർവ്വീസ് ആരംഭിച്ചാൽ ഇരുവശത്തേക്കും പോവുന്ന യാത്രകാർക്ക് വലിയ സഹായമാവുമെന്നും അദ്ദേഹം അറിയിച്ചു

മാഹിNH66 (Old NH 17) മാഹിപ്പാലത്തിൻറെ അടിയന്തിര അറ്റകുറ്റപ്പണി നടത്തേണ്ടതിനാൽ ഇതു വഴിയുള്ള വാഹനങ്ങൾ ഗതാഗതം നിരോധിച്ചാൽ മാത്രമേ പ്രവൃത്തി ആരംഭിക്കാൻ സാധിക്കുകയുള്ളൂ. ആയതിനാൽ 29.04.2024 തിങ്കളാഴ്‌ച മുതൽ 10.05.2024 വെള്ളിയാഴ്‌ച വരെ 12 ദിവസത്തേക്ക് വാഹനങ്ങൾ ഗതാഗതം നിരോധിച്ചിരിക്കേണ്ടതുണ്ട്.

കോഴിക്കോട് നിന്നും കണ്ണൂർ ഭാഗത്തേക്ക് വരുന്ന ബസ്സ് ഉൾപ്പെടെയുള്ള വാഹനങ്ങൾ കുഞ്ഞിപ്പള്ളിയിൽ നിന്ന് വലത്തോട്ട് തിരിഞ്ഞ് മോന്താൽപാലം വഴി പോകേണ്ടതാണ് .തലശ്ശേരിയിൽ നിന്നും കോഴിക്കോട് ഭാഗത്തേക്ക് വരുന്ന വാഹനങ്ങൾ ചൊക്ലി മേക്കുന്ന്- മോന്താൽ പാലം വഴിയോ, മാഹിപ്പാലത്തിൻറെ അടുത്തുനിന്നും ഇടത്തോട്ട് തിരിഞ്ഞ് പെരിങ്ങാടി വഴി മോന്താൽ പാലം വഴിയോ പോകേണ്ടതാണെന്നറിയിക്കുന്നു.

ന്യൂമാഹി: സാധാരണക്കാരുടെ നിത്യജീവിതത്തിൻ്റെ ഭാഗമാണ് ഓരോ പ്രദേശത്തേയും റേഷൻ കടകൾ പരാതികളും പരിവട്ടങ്ങളും കൊണ്ട് പല റേഷൻ കടകളും മൂടപ്പെടുമ്പോൾ, മങ്ങാട്, വേലായുധൻ മൊട്ടക്കാരുടെ റേഷൻ കട നാടിന് മാതൃകയാവുകയാണ്.പൊതുവിതരണ സംവിധാനത്തിൻ്റെ താഴെ തട്ടിലുള്ള റേഷൻകടകൾ നിത്യ ജീവിതത്തിൻ്റെ അവിഭാജ്യ ഘടകമായിട്ട് ഏറെ വർഷങ്ങളായി. ഇപ്പോൾ റേഷൻ കടകളും ആധുനികവൽക്കരിപ്പെട്ടിരിക്കുകയാണ്.
റേഷൻ കട നടത്തുന്നയാൾ കാർഡുടമകളുമായി ആത്മബന്ധം സ്ഥാപിക്കുമ്പോഴാണ് ഈ
സംവിധാനം ജനകീയമാകുന്നത്. അത്തരത്തിലുള്ള ഒരു കട യാണ് കെ.പി. വത്സൻ കരിയാട്നടത്തുന്ന കവിയൂർ മങ്ങാട്ടെ ARD 281 നമ്പർ റേഷൻ കടയെന്ന് പറയാതിരിക്കാനാവില്ല.. റേഷൻ കടയിലെത്തുന്ന വിവിധ നിറത്തിലുള്ള കാർഡു് ഉടമകൾക്ക് ഇരിപ്പിടവും കുടിവെള്ളവും വായിക്കാൻ പത്രവുമുൾപ്പെടെയുണ്ടിവിടെ. റേഷൻ സാധനങ്ങൾ എത്തുന്നതും വിതരണം ചെയ്യുന്നതുമൊക്കെ വിളിച്ചറിയിക്കാനും സമയം കണ്ടെത്താറുണ്ട് ഇദ്ദേഹം. ഒരു റേഷൻ കട എങ്ങിനെ ആയിരിക്കണം എന്നതിന്റെ ഉത്തമ മാതൃകയാണ് പ്രസ്തുത റേഷൻ കടയും ചാലക ശക്തിയായ വത്സേട്ടനും . സൗമ്യനും സേവന തല്പരനുമായ കെ പിവത്സനെ പോലെയുള്ളവരാണ് പൊതുവിതരണ സമ്പ്രദായത്തെ സമൂഹവുമായി ചേർത്തു നിർത്തുന്നത്. അദ്ദേഹത്തിൻ്റെ പ്രതിബദ്ധത മാതൃകാപരം തന്നെ .

ന്യൂമാഹി:സാധാരണക്കാരുടെ നിത്യജീവിതത്തിൻ്റെ ഭാഗമാണ് ഓരോ പ്രദേശത്തേയും റേഷൻ കടകൾ
പരാതികളും പരിവട്ടങ്ങളും കൊണ്ട് പല റേഷൻ കടകളും മൂടപ്പെടുമ്പോൾ, മങ്ങാട്, വേലായുധൻ മൊട്ടക്കാരുടെ റേഷൻകട നാടിന് മാതൃകയാവുകയാണ്.
പൊതുവിതരണ സംവിധാനത്തിൻ്റെ താഴെ തട്ടിലുള്ള റേഷൻകടകൾ നിത്യ ജീവിതത്തിൻ്റെ അവിഭാജ്യ ഘടകമായിട്ട് ഏറെ വർഷങ്ങളായി. ഇപ്പോൾ റേഷൻ കടകളും ആധുനികവൽക്കരിപ്പെട്ടിരിക്കുകയാണ്.
റേഷൻ കട നടത്തുന്നയാൾ കാർഡുടമകളുമായി ആത്മബന്ധം സ്ഥാപിക്കുമ്പോഴാണ് ഈ
സംവിധാനം ജനകീയമാകുന്നത്. അത്തരത്തിലുള്ള ഒരു കടയാണ് കെ.പി. വത്സൻ കരിയാട്നടത്തുന്ന കവിയൂർ മങ്ങാട്ടെ ARD 281 നമ്പർ റേഷൻ കടയെന്ന് പറയാതിരിക്കാനാവില്ല.. റേഷൻ കടയിലെത്തുന്ന വിവിധ നിറത്തിലുള്ള കാർഡു് ഉടമകൾക്ക് ഇരിപ്പിടവും കുടിവെള്ളവും വായിക്കാൻ പത്രവുമുൾപ്പെടെയുണ്ടിവിടെ. റേഷൻ സാധനങ്ങൾ എത്തുന്നതും വിതരണം ചെയ്യുന്നതുമൊക്കെ വിളിച്ചറിയിക്കാനും സമയം കണ്ടെത്താറുണ്ട് ഇദ്ദേഹം.

ഒരു റേഷൻ കട എങ്ങിനെ ആയിരിക്കണം എന്നതിന്റെ ഉത്തമ മാതൃകയാണ് പ്രസ്തുത റേഷൻ കടയും ചാലക ശക്തിയായ വത്സേട്ടനും . സൗമ്യനും സേവന തല്പരനുമായ കെ പിവത്സനെ പോലെയുള്ളവരാണ് പൊതുവിതരണ സമ്പ്രദായത്തെ സമൂഹവുമായി ചേർത്തു നിർത്തുന്നത്. അദ്ദേഹത്തിൻ്റെ പ്രതിബദ്ധത മാതൃകാപരം തന്നെ .

മാഹി: കനത്ത ചൂടിൽ നിന്നും ഒരല്പം ആശ്വാസമായി മാഹിയിലും പരിസര പ്രദേശങ്ങളിലും ഞായറാഴ്ച്ച സന്ധ്യയോടെ വേനൽ മഴയെത്തി

കഴിഞ്ഞ ദിവസം പള്ളൂർ ചാലക്കര ഭാഗങ്ങളിലും മുക്കാളി ഭാഗത്തും രാത്രി മഴ പെയ്തെങ്കിലും മാഹിക്ക് അവഗണനയായിരുന്നു.

ഞായറാഴ്ച്ച വൈകീട്ട് ഇടിമിന്നലിൻ്റെ അകമ്പടിയോടെ എത്തിയ മഴയിൽ ലഭിച്ച ഒരല്പം കുളിരിൽ ആശ്വാസം കൊള്ളുകയാണ് നാട്.