പിണറായി: പിണറായി സ്വദേശിനിയായ രണ്ടാം ക്ലാസ് വിദ്യാർത്ഥിനി അദ്വിക വി. നന്ദ്യത്തിന് ഗോൾഡൻ ടാലന്റ് ഐക്കൺ പുരസ്കാരം ലഭിച്ചു. അങ്കമാലിയിൽ വെച്ച് നടന്ന അനുമോദന ചടങ്ങിൽ ചലച്ചിത്ര-സീരിയൽ താരം മായ വിശ്വനാഥ് അദ്വികയ്ക്ക് പുരസ്കാരം സമ്മാനിച്ചു.
ഏറ്റവും പ്രായം കുറഞ്ഞ സംസ്ഥാന തല ചെസ്സ് മത്സരാർത്ഥി എന്ന നിലയിൽ കേരള ബുക്ക് ഓഫ് റെക്കോർഡും അദ്വിക അടുത്തിടെ കരസ്ഥമാക്കിയിരുന്നു. കേരള സ്റ്റേറ്റ് അണ്ടർ 15 ഗേൾസ് ചെസ് ചാമ്പ്യൻഷിപ്പിൽ അണ്ടർ 9 വിഭാഗത്തിൽ ഒന്നാം സ്ഥാനം നേടാൻ അദ്വികയ്ക്ക് സാധിച്ചു.
കൂടാതെ കണ്ണൂർ ജില്ലാ അണ്ടർ 9 ഗേൾസ് ചാമ്പ്യൻഷിപ്പിൽ ഫസ്റ്റ് റണ്ണർ അപ്പ്, അണ്ടർ 11 ഗേൾസ് ചാമ്പ്യൻഷിപ്പിൽ ഫസ്റ്റ് റണ്ണർ അപ്പ്, അണ്ടർ 15 ഗേൾസ് വിഭാഗത്തിൽ തേർഡ് റണ്ണർ അപ്പ് ഉൾപ്പെടെ നിരവധി സംസ്ഥാന, ജില്ലാ തല ടൂർണ്ണമെന്റുകളിൽ ഈ കൊച്ചു മിടുക്കി മികച്ച നേട്ടങ്ങൾ കൈവരിച്ചിട്ടുണ്ട്.
പിണറായി വെണ്ടുട്ടായിയിലെ വിജേഷ്, ദൃശ്യ ദമ്പതികളുടെ മകളാണ് അദ്വിക.
