തലശ്ശേരി : തലശ്ശേരി റെയില്‍വെ സ്റ്റേഷനില്‍ 258 ഗ്രാം ബ്രൗണ്‍ ഷുഗറുമായി മൂന്ന് പേർ അറസ്റ്റില്‍ തലശ്ശേരി സ്വദേശികളായ ഇ എ ഷുഹൈബ്, എ.നാസർ, മുഹമ്മദ് അക്രം എന്നിവരെയാണ് രഹസ്യ വിവരമനുസരിച്ച്‌ തലശ്ശേരി ടൗണ്‍ പൊലീസ് അറസ്റ്റു ചെയ്തത്.
വിപണിയില്‍ 13 ലക്ഷത്തോളം രൂപ വിലവരുന്ന ബ്രൗണ്‍ ഷുഗറാണ് പ്രതികളില്‍ നിന്നും പിടികൂടിയത്.
ബ്രൗണ്‍ ഷുഗറുമായി ഇന്ന് പുലർച്ചെ മുംബൈയില്‍ നിന്നും കുർള എക്സ്പ്രസില്‍ നിന്നുമെത്തിയവരാണ് തലശ്ശേരി സ്വദേശികള്‍.
രഹസ്യ വിവരം ലഭിച്ചതു പ്രകാരം തലശ്ശേരി എ.സിപിയുടെ കീഴിലുള്ള ഡാൻസെഫ് ടീം തലശ്ശേരി ടൗണ്‍ പൊലിസുമാണ് സംയുക്ത റെയ്ഡ് നടത്തിയത്.
പ്രതികള്‍ തലശ്ശേരിയിലെ മുഖ്യ മയക്കുമരുന്ന് വില്‍പ്പനക്കാരാണെന്ന് സംശയിക്കുന്നതായി പൊലിസ് അറിയിച്ചു. ഇവരെ ചോദ്യം ചെയ്തതിനു ശേഷം കോടതിയില്‍ ഹാജരാക്കും.
