തലശേരി :യുവതിയെ പെട്രോളൊഴിച്ച് കൊലപ്പെടുത്താൻ ശ്രമിച്ച കേസിൽ മുൻ ഭർത്താവിൻ്റെ ജാമ്യാപേക്ഷ ജില്ലാ സെഷൻസ് കോടതി രണ്ടാംതവണയും തള്ളി. കോട്ടയംപൊയിൽ കോങ്ങാറ്റയിലെ നടുവിൽപൊയിൽ വീട്ടിൽ എ പി സജു (44)വിൻ്റെ ജാമ്യാപേക്ഷയാണ് തള്ളിയത്. ജനുവരി 20ന് രാവിലെ 8.30ന് യുവതി ജോലിക്ക് പോകുന്നതിനിടെയാണ് കാറിലെത്തിയ മുൻ ഭർത്താവ് തട്ടിക്കൊണ്ടുപോകാൻ ശ്രമിക്കുകയും വഴങ്ങാതെ വന്നപ്പോൾ പെട്രോളൊഴിച്ച് തീകൊളുത്തി കൊല്ലാനും ശ്രമിച്ചത്. ബഹളം കേട്ടെത്തിയ നാട്ടുകാരാണ് യുവതിയെ രക്ഷിച്ചത്. അന്നുതന്നെ ഇയാളെ അറസ്‌റ്റു ചെയ്‌തിരുന്നു. 60 ദിവസത്തിനകം അന്വേഷണം പൂർത്തി യാക്കി പൊലീസ് കുറ്റപത്രവും സമർപ്പിച്ചു. വിവാഹമോചനം നേടിയ യുവതി രണ്ടാമതും വിവാഹത്തിന് ആലോചന നടത്തുന്നതാണ് പ്രതിയെ പ്രകോ പിപ്പിച്ചത്. പ്രോസിക്യുഷനു വേണ്ടി പബ്ലിക് പ്രോസിക്യൂട്ടർ കെ അജിത്‌കുമാർ ഹാജരായി
