താമരശ്ശേരി : നാടക മത്സരങ്ങളിലെല്ലാം ഒന്നാം സ്ഥാനം. വേളംകോട് വച്ചു നടന്നു കൊണ്ടിരിക്കുന്ന താമരശ്ശേരി ഉപജില്ലാ കലോത്സവത്തിൽ നാടക മത്സരങ്ങളിൽ എല്ലാം ഒന്നാമതെത്തി ജില്ലാ തലത്തിലേക്ക് മത്സരിക്കാൻ യോഗ്യത നേടി ചമൽ നിർമ്മല യു.പി സ്കൂൾ.
ഇന്നലെ നടന്ന യു.പി തല (ജനറൽ വിഭാഗം) മലയാള നാടക മത്സരത്തിലും, ഇംഗ്ലീഷ് സ്കിറ്റിലും, സംസ്കൃത നാടകത്തിലും ഒന്നാം സ്ഥാനവും എ ഗ്രേഡും നിർമ്മലയിലെ മിടുക്കർ കരസ്ഥമാക്കി.
കൂടാതെ സംസ്കൃതോത്സവത്തിൽ ഓവറോൾ കിരീടവും നേടി കരുത്തു കാട്ടി നിർമല സ്കൂൾ. ഇത്തരത്തിൽ ഒരു വിജയം നേടാൻ സാധിച്ചത് അഭിമാന നേട്ടം തന്നെയാണ്. സ്കൂളിലെ അധ്യാപകർ തന്നെയാണ് കുട്ടികളെ പരിശീലിപ്പിച്ചത്.
