കോഴിക്കോട്: കരിപ്പൂർ വിമാനത്താവളത്തിലെ കാഴ്ച്ചകൾ കാണാൻ വ്യൂ പോയിന്റിലെത്തിയ യുവാവ് താഴ്ചയിലേക്ക് വീണ് മരിച്ചു.
മലപ്പുറം മുണ്ടുപറമ്പ് സ്വദേശി ജിതിൻ(30) ആണ് മരിച്ചത്. കൂട്ടുകാരോടൊപ്പം എത്തിയ യുവാവ് വെങ്കുളത്ത്മാട് വ്യൂ പോയിന്റിൽ നിന്ന് കാൽ വഴുതി താഴേക്ക് വീഴുകയായിരുന്നു.
യുവാവിന്റെ കഴുത്തിൽ മരത്തിന്റെ കൊമ്പ് തറച്ചു കയറി. ഗുരുതര പരുക്കുകളോടെ കൊണ്ടോട്ടി സ്വകാര്യ ആശുപത്രിയിലും പിന്നീട് കോഴിക്കോട് മെഡിക്കൽ കോളജിലും പ്രവേശിപ്പിച്ചെങ്കിലും രക്ഷിക്കാനായില്ല.
പുലർച്ചെ അഞ്ച് മണിയോടെയായിരുന്നു അപകടം. പൊലിസ് എത്തിയാണ് നാട്ടുകാരുടെ സഹായത്തോടെ യുവാവിനെ ആശുപത്രിയിലേക്ക് മാറ്റിയത്.
