വടകര: അടക്കാത്തെരു ജംഗ്ഷനില്‍ 110 സബ് സ്റ്റേഷനില്‍ നിന്നും വടകര പട്ടണത്തിലേക്കുള്ള പ്രധാന ലൈനില്‍ തീപിടിച്ചു.
ഉച്ചയ്ക്ക് പന്ത്രണ്ട് മണിയോടെയാണ് സംഭവം. വിവരം അറിഞ്ഞ് വടകര അഗ്നിരക്ഷാ നിലയത്തില്‍ നിന്നും സ്റ്റേഷൻ ഓഫീസർ ചാർജ്ജ് കെ എം ഷമേജ് കുമാറിൻ്റെ നേതൃത്വത്തില്‍ എത്തിയ യൂണിറ്റ് തീകെടുത്തി.
സീനിയർ ഫയർ & റെസ്ക്യൂ ഓഫീസർ ആർ ദീപക്, ഫയർ & റെസ്ക്യൂ ഓഫീസർ (ഡ്രൈവർ) പി കെ ജൈസല്‍, ഫയർ & റെസ്ക്യൂ ഓഫീസർ ടി.ഷിജേഷ്, സി കെ അർജ്ജുൻ, വി ലികേഷ്, ഹോം ഗാർഡ് ആർ രതീഷ് എന്നിവർ പ്രവർത്തനത്തില്‍ പങ്കാളികളായി.
കെഎസ്‌ഇബി സബ് എഞ്ചിനീയർ റംസിലിൻ്റെ നേതൃത്വത്തില്‍ കെഎസ്‌ഇബി ജീവനക്കാരും സ്ഥലത്ത് ഉണ്ടായിരുന്നു.
