കോഴിക്കോട്: താമരശേരിയില്‍ സ്വകാര്യ ബസില്‍ വച്ച്‌ വിദ്യാർഥിക്ക് നേരെ ലൈംഗിക അതിക്രമം നടത്തിയ ആള്‍ അറസ്റ്റില്‍.
കട്ടിപ്പാറ സ്വദേശി അബ്ദുല്‍ അസീസ് ആണ് അറസ്റ്റിലായത്.
ചൊവ്വാഴ്ചയാണ് കേസിന് ആസ്പദമായ സംഭവം നടന്നത്. ബാലുശേരിയില്‍ നിന്നും സ്കൂളിലേക്കുള്ള യാത്രയ്ക്കിടെയാണ് വിദ്യാർഥിക്കു നേരെ പ്രതി ലൈംഗിക അതിക്രമം നടത്തിയത്. സ്കൂളില്‍ എത്തിയ ശേഷം വിദ്യാർഥി അധ്യാപകരോട് വിവരം പറയുകയായിരുന്നു.
കുട്ടി നല്‍കിയ വിവരത്തിന്‍റെ അടിസ്ഥാനത്തില്‍ ബസ് ജീവനക്കാരാണ് പ്രതിയെ തിരിച്ചറിഞ്ഞത്. പ്രതി മുൻപും സമാന രീതിയിലുള്ള കുറ്റകൃത്യത്തില്‍ ഏർപ്പെട്ടയാളാണെന്ന് നാട്ടുകാർ ആരോപിച്ചു. പ്രതിയെ ഇന്നാണ് പോലീസ് പിടികൂടിയത്.
