കോഴിക്കോട്: വീട്ടില്‍ ടിവി കാണാനായെത്തിയ പ്രായപൂർത്തിയാകാത്ത പെണ്‍കുട്ടിയെ ലൈംഗികമായി പീഡിപ്പിച്ച കേസില്‍ പ്രതിക്ക് ശിക്ഷ വിധിച്ച്‌ കോടതി.
പുതുപ്പാടി സ്വദേശി ബാബു (47)വിനെയാണ് കോടതി ശിക്ഷിച്ചത്. ആറ് വയസുകാരിയെ ലൈംഗികമായി ചൂഷണം ചെയ്ത പ്രതിയെ 20 വർഷം കഠിന തടവിനാണ് കോടതി ശിക്ഷിച്ചത്. കൊയിലാണ്ടി ഫാസ്റ്റ് ട്രാക്ക് സ്‌പെഷ്യല്‍ കോടതി ജഡ്ജ് കെ നൗഷാദലിയുടേതാണ് വിധി പ്രസ്താവന.
2024ല്‍ ആണ് കേസിനാസ്പദമായ സംഭവം നടന്നത്. ബാബുവിന്റെ വീട്ടില്‍ ടിവി കാണാനെത്തിയ ആറ് വയസുകാരിയെയാണ് ഇയാള്‍ പീഡനത്തിനിരയാക്കിയത്.
പെണ്‍കുട്ടി വിവരം വീട്ടിലെത്തി പിതാവിനെ അറിയിച്ചതോടെയാണ് സംഭവം പുറംലോകമറിയുന്നത്. തുടർന്ന് കുട്ടിയുടെ രക്ഷിതാക്കള്‍ പോലീസില്‍ വിവരം അറിയിക്കുകയായിരുന്നു.
കേസില്‍ താമരശ്ശേരി ഇന്‍സ്‌പെക്ടര്‍ കെ പ്രദീപ് ആണ് കുറ്റപത്രം സമര്‍പിച്ചത്. അഡ്വ. പി ജെതിന്‍ പ്രോസിക്യൂഷന്‍ വേണ്ടി ഹാജരായി.
