കോഴിക്കോട്: കോഴിക്കോട് ഫറോക്കില്‍ പൊലീസ് കസ്റ്റഡിയില്‍ എടുത്ത പ്രതി ചാടിപ്പോയി. ഫറോക്ക് പോലീസ് കസ്റ്റഡിയില്‍ എടുത്ത പ്രതിയാണ് ചാടിപ്പോയത്.
അസം സ്വദേശി പ്രസണ്‍ ജിത്ത് ആണ് ചാടിപ്പോയത്. സ്കൂള്‍ കുട്ടിയെ തട്ടിക്കൊണ്ടു പോകാൻ ശ്രമിച്ചു എന്ന കേസിൽ ഇയാളെ പൊലീസ് കസ്റ്റഡിയിലെടുത്തതാണ്.
കയ്യില്‍ അണിയിച്ച വിലങ്ങുമായാണ് പ്രതി രക്ഷപ്പെട്ടതെന്ന് പൊലീസ് പറയുന്നു. ഉത്തർപ്രദേശ് സ്വദേശിയായ പെണ്‍കുട്ടിയെയാണ് ഇയാള്‍ തട്ടിക്കൊണ്ടു പോകാൻ ശ്രമിച്ചത്.
ഇന്നലെയാണ് പ്രസണ്‍ജിത്തിനെ പൊലീസ് കസ്റ്റഡിയിലെടുത്തത്. കേസില്‍ അറസ്റ്റിലായ പ്രസണ്‍ ജിത്തിനെ ഇന്ന് കോടതിയില്‍ കൊണ്ടു പോകാൻ തുടങ്ങുന്നതിനിടെ ഇയാൾ പോലീസിനെ കണ്ണുവെട്ടിച്ച് രക്ഷപ്പെടുകയായിരുന്നു.
വിലങ്ങണിയിച്ചു ബെഞ്ചില്‍ ഇരുത്തിയതായിരുന്നു പൊലീസ്. അതിനിടെ, പൊലീസിന്റെ ശ്രദ്ധ തെറ്റിയപ്പോള്‍ പിൻവാതില്‍ വഴി രക്ഷപ്പെടുകയായിരുന്നു. പ്രതിക്കായി നിലവില്‍ തെരച്ചില്‍ തുടരുകയാണ്. അന്വേഷണം ഊർജിതമാക്കിയിട്ടുണ്ട്.
