വടകര: ട്രെയിനില്‍ ടിക്കറ്റ് എടുക്കാതെ യാത്ര ചെയ്യാൻ ശ്രമിച്ച വിദ്യാർത്ഥിയെ റെയില്‍വേ ജീവനക്കാരും പോലീസും ചേർന്ന് പിടികൂടി.
ഇന്ന് രാവിലെ 10 15ന് വടകര റെയില്‍വേ സ്റ്റേഷനിലാണ് സംഭവം.
ട്രെയിൻ കാത്ത് പ്ലാറ്റ്ഫോമില്‍ നില്‍ക്കുകയായിരുന്ന സംശയം തോന്നിയ യാത്രക്കാരെ റെയില്‍വേ ജീവനക്കാർ പരിശോധിക്കുന്നതിനിടയില്‍ വിദ്യാർത്ഥിയുടെ അടുത്ത് എത്തിയപ്പോള്‍ ഇയാള്‍ ഓടുകയായിരുന്നു.
പിന്നാലെ ഓടിയ ജീവനക്കാരും റെയില്‍വേ പോലീസും ചേർന്ന് വിദ്യാർത്ഥിയെ പിടികൂടി. ഫൈൻ അടച്ച ശേഷം വിട്ടയക്കാമെന്നാണ് റെയില്‍വേ ഇദ്യോഗസ്ഥർ പറഞ്ഞു.
