കോഴിക്കോട്: അവധിക്കാലാഘോഷം സങ്കടക്കടലായി. കോഴിക്കോട് കക്കാടം പൊയിലിലെ റിസോര്‍ട്ടിലെ കുളത്തില്‍ വീണ് . ഏഴു വയസ്സുകാരന്‍ മരിച്ചു. മലപ്പുറം . കൂട്ടിലങ്ങാടി പഴമള്ളൂര്‍
മീനാര്‍കുഴിയില്‍ കവുംങ്ങും തൊടി കെടി മുഹമ്മദാലിയുടെ മകന്‍ അഷ്മില്‍ ആണ് മരിച്ചത്.
കക്കാടംപൊയിലിലെ ഏദന്‍സ് ഗാര്‍ഡന്‍ റിസോര്‍ട്ടിലാണ് അപകടം സംഭവിച്ചത്. ഉടന്‍ തന്നെ കൂടരഞ്ഞിയിലെ സ്വകാര്യ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല. ഇന്നലെ രാത്രിയിലാണ് സംഭവം.
കുട്ടിയുടെ മാതാപിതാക്കള്‍ പ്രാര്‍ഥിക്കുന്നതിനിടെയാണ് അപകടം സംഭവിച്ചത്. ഈ സമയത്ത് കുട്ടി പൂളിനടുത്തേക്ക് പോയപ്പോള്‍ കാല്‍ വഴുതി വീഴുകയായിരുന്നെന്നാണ് പൊലീസിന്റെ പ്രാഥമിക നിഗമനത്തിലുളളത്.
അവധിക്കാലം ആഘോഷിക്കാനാണ് ഇവര്‍ കക്കാടം പൊയിലിലെ വിനോദ സഞ്ചാര കേന്ദ്രത്തിലെത്തിയിരുന്നത്.
