കോഴിക്കോട്: വടകരയില്‍ യുവതിയെ വീട്ടില്‍ കയറി ഭീഷണിപ്പെടുത്തിയതിന് സിഐക്കെതിരെ കേസ്. നാദാപുരം കണ്‍ട്രോള്‍ റും സി.ഐ സ്മിതേഷിനെതിരെയാണ് വടകര പൊലീസ് കേസെടുത്തത്.
യുവതിയും സിഐയും നേരത്തെ പരിചയമുളളവരായിരുന്നു.വള്ളിക്കാട് സ്വദേശിയായ യുവതിയുടെ പരാതിയിലാണ് നടപടി.വീട്ടില്‍ അതിക്രമിച്ചു കയറി കത്തി കാട്ടി ഭീഷണിപ്പെടുത്തി എന്നാണ് പരാതി.
സിഐയുടെ മൊബൈല്‍ നമ്പർ യുവതി ബ്ലോക്ക് ചെയ്തതിലുള്ള വിരോധമാണ് വീട്ടില്‍ അതിക്രമിച്ച്‌ കയറി ഭീഷണിപ്പെടുത്താൻ കാരണമെന്നാണ് പരാതിയിൽ പറയുന്നത്.
ഇന്നലെ രാത്രിയിലായിരുന്നു സംഭവം നടന്നത്. ഇന്നലെ രാത്രിയില്‍ യുവതിയും മകളും പുറത്ത് പോയി തിരിച്ചു വന്നപ്പോള്‍ ഉദ്യോഗസ്ഥൻ വീടിനകത്ത് അതിക്രമിച്ച്‌ കയറി.
കത്തി കാട്ടി ഭീഷണിപ്പെടുത്തുകയായിരുന്നു. വീട്ടില്‍ നിന്നും ശബ്ദം കേട്ട് നാട്ടുകാർ ഓടി കൂടിയതോടെ വടകര പൊലീസിനെ വിവരം അറിയിച്ചത്. തുടർന്ന് സ്മിതേഷിനെ പൊലീസ് കസ്റ്റഡിയിലെടുത്തു
