കോഴിക്കോട്: ഓമശ്ശേരി പെരുവല്ലി അങ്ങാടിക്ക് സമീപം പട്ടാപ്പകല്‍ കുരുമുളക് മോഷണം. യുവാവിനൊപ്പം ബൈക്കിലെത്തിയ യുവതിയാണ് വീട്ടുമുറ്റത്ത് ഉണക്കാനിട്ട കുരുമുളക് ചാക്കില്‍ വാരി കടന്നു കളഞ്ഞത്.
നെല്ലിക്കല്‍ സ്‌കറിയ എന്നയാളുടെ വീട്ടുമുറ്റത്ത് നിന്നാണ് കുരുമുളക് മോഷ്ടിച്ചത്. സംഭവത്തിന്റെ സിസിടിവി ദൃശ്യങ്ങള്‍ പുറത്തു വന്നിട്ടുണ്ട്. ദൃശ്യങ്ങള്‍ സഹിതം വീട്ടുകാർ പോലീസില്‍ പരാതി നല്‍കി.
ഹെല്‍മറ്റ് ധരിച്ചാണ് യുവതി വീട്ടു മുറ്റത്തേക്ക് വരുന്നത്. ചുരിദാറാണ് വേഷം. ഉണക്കാനിട്ട കുരുമുളക് ചാക്കോടെ എടുത്തു കൊണ്ടുപോകുന്നതും ബൈക്കില്‍ കയറി രക്ഷപ്പെടുന്നതുമാണ് ദൃശ്യത്തിലുള്ളത്.
