തലശ്ശേരി: തലശ്ശേരിയില്‍ വൻ കഞ്ചാവ് വേട്ട. 3 പേർ അറസ്റ്റില്‍. കണ്ടിക്കലില്‍ വെച്ച്‌ 12 ഗ്രാം കഞ്ചാവുമായി പി.പി.കെ ഹുസൈൻ(36), 10 ഗ്രാം കഞ്ചാവുമായി ചെറുവളോത്ത് താഴെ പറമ്പത്ത് സി.കെ ഹർഷാദ് (35) എന്നിവരെയാണ് തലശ്ശേരി എക്സൈസ് ഇൻസ്‌പെക്ടർ കെ.സുബിൻ രാജ് സംഘം പിടികൂടിയത്.
തലശ്ശേരി കണ്ടിക്കല്‍, ചെറുവളോത്ത് താഴെ പറമ്പത്ത്, പ്രസ് വളപ്പില്‍ എന്നിവിടങ്ങളിലാണ്‌ റെയ്ഡുകള്‍ നടന്നത്. കഞ്ചാവ് ശേഖരം ഉണ്ട് എന്ന വിവരം മനസിലാക്കി നടപടികള്‍ തുടരുകയാണ്‌ എന്നും എക്സൈസ് അധികാരികള്‍ അറിയിച്ചു.
മറ്റൊരു കേസില്‍ കണ്ടിക്കലില്‍ വച്ച്‌ 5 ഗ്രാം കഞ്ചാവുമായി പ്രസ് വളപ്പില്‍ വി.പി ഫിറോസിനെ തലശ്ശേരി അസിസ്റ്റന്റ് എക്സൈസ് ഇൻസ്‌പെക്ടർ ഗ്രേഡ് ടി.സന്തോഷ്‌ പിടികൂടി.
പ്രതികളേ കോടതിയില്‍ ഹാജരാക്കും. കഞ്ചാവ് ഉപയോഗിക്കുന്നവരും പോലീസിന്റെയും എക്സൈസിന്റെയും നിരീക്ഷണത്തില്‍ ആണ്‌.
