വടകര: സുഹൃത്തിനെ കാണാനായി പുതുച്ചേരി സ്‌പീക്കർ ആർ. സെല്‍വം, മാഹി പോലീസ് സൂപ്രണ്ട് ജി. ശരവണൻ എന്നിവർ വീണ്ടും വടകരയിലെത്തി.
മാഹി പി ഡബ്ള്യു ഡി ജീവനക്കാരനായ വടകര സി എം ആശുപത്രിക്ക് സമീപത്തെ അജിത്ത് കണ്ണോത്തിന്റെ വീട്ടിലാണ് ഇരുവരും സന്ദർശനത്തിന് എത്തിയത്.
പള്ളൂർ വി.എൻ.പി. ഗവ: ഹയർ സെക്കൻഡറി സ്‌കൂള്‍ ഗ്രൗണ്ടില്‍ നടക്കുന്ന പുഷ് - ഫല - സസ്യ പ്രദർശനത്തിന്റെ ഉദ്ഘാടനത്തിന്റെ ഭാഗമായാണ് സ്‌പീക്കർ പുതുച്ചേരിയില്‍ എത്തിയത്.
ഇതിനിടെ സുഹൃത്തിന്റെ വീട്ടില്‍ എത്തി ചായ സല്‍ക്കാരത്തില്‍ പങ്കെടുത്തു. ശേഷം പുതുച്ചേരിയിലേക്ക് മടങ്ങി. മുൻ മുഖ്യമന്ത്രി ജാനകിരാമൻ്റെ കൂടെ അജിത്ത് കുമാറും സ്പീക്കറും ഒരുമിച്ച്‌ ജോലി ചെയ്തിരുന്നു. ആ സൗഹൃദത്തിൻ്റെ ഓർമ്മ പുതുക്കാൻ മാഹി സന്ദർശിക്കുന്ന വേളയില്‍ അദ്ദേഹം വടകരയില്‍ എത്താറുണ്ട്.
