തലശ്ശേരി: സിപിഐ എം പ്രവർത്തകൻ്റെ കൊലക്കേസ് ഉള്‍പ്പെടെ നിരവധി ക്രിമിനല്‍ കേസുകളില്‍ പ്രതിയായ ആർഎസ്‌എസ് പ്രവർത്തകനെ കാപ്പചുമത്തി അറസ്റ്റ് ചെയ്തു.
പാറാല്‍ അയിനാട്ട് മീത്തല്‍ ഏഴിലരസൻ എന്ന സി.കെ സനീഷാണ് (35) അറസ്റ്റിലായത്. ന്യൂമാഹി പൊലീസാണ് ഗുണ്ടാ ലിസ്റ്റില്‍പ്പെടുത്തി അറസ്റ്റ് ചെയ്ത് ജയിലിലടച്ചത്.
സിപിഐ എം പ്രവർത്തകൻ കണ്ണിപ്പൊയില്‍ ബാബു വധക്കേസ്, പാറാലിലെയും പള്ളൂരിലും ന്യൂമാഹിയിലുമായി പത്തോളം കേസുകളിലെ പ്രതിയാണ് സനീഷ്.
കോടതിയില്‍ ഹാജരാക്കിയ പ്രതിയെ റിമാൻ്റ് ചെയ്തു.
