തലശ്ശേരി: തലശേരിയില്‍ വാഹനാപകടത്തില്‍ പരിക്കേറ്റ് ചികിത്സയിലായിരുന്ന പ്ലസ്ടു വിദ്യാർത്ഥി മരിച്ചു. കോടിയേരി പാറാല്‍ വായനശാലയ്ക്ക് സമീപത്തെ പി.പി ഹയാൻ ഫാദില്‍(17) ആണ് മരിച്ചത്.
ഗുരുതരമായ് പരിക്കേറ്റ ഹയാനെ കണ്ണൂർമിംസ് ആശുപത്രിയില്‍ പ്രവേശിപ്പിച്ചുവെങ്കിലും തിങ്കളാഴ്ച ഉച്ചയോടെ മരണപ്പെടുകയായിരുന്നു. ഒപ്പമുണ്ടായിരുന്ന സുഹൃത്ത് നിസാര പരുക്കുകളോടെ രക്ഷപെട്ടു.
ശനിയാഴ്ച രാത്രി നിട്ടൂർ ബാലത്തിലെ സർവ്വീസ് റോഡിലായിരുന്നു അപകടം. ഹയാൻ ഫാദിലും, സുഹൃത്തും സഞ്ചരിച്ച ബൈക്ക് റോഡിലെ ടാറിടാത്ത ഭാഗത്ത് എത്തിയപ്പോള്‍ നിയന്ത്രണം വിട്ട് മറിയുകയായിരുന്നു.
