തലശ്ശേരി: ഗവൺമെന്റ് ബ്രണ്ണൻ കോളേജിൽ നിന്നും (2023-26 ബാച്ച്) ബി.എ ഫിലോസഫിയിൽ രണ്ടാം റാങ്ക് നേടി തിളക്കമാർന്ന വിജയം കൈവരിച്ച പി. ഐശ്വര്യയെ അനുമോദിച്ചു. തലശ്ശേരി നഗരസഭയിലെ 39-ാം വാർഡ് തലായി വാർഡ് സഭയിൽ വെച്ച് നടന്ന ചടങ്ങിൽ തലശ്ശേരി നഗരസഭ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ഹെൻട്രി മാസ്റ്റർ ഐശ്വര്യയ്ക്ക് ഉപഹാരം നൽകി ആദരിച്ചു.
വാർഡിന് അഭിമാനമായി മാറിയ പ്രതിഭയെ നാടിന്റെ ജനപ്രതിനിധികളും പൊതുജനങ്ങളും ചേർന്നാണ് അഭിനന്ദിച്ചത്. ചടങ്ങിൽ ഹെൽത്ത് ഇൻസ്പെക്ടർ മുനീർ, കൗൺസിലർ പ്രീത പ്രദീപ്, കെ. അജേഷ് തുടങ്ങിയ പ്രമുഖർ പങ്കെടുത്തു.
