വയനാട്: മുണ്ടക്കൈ - ചൂരല്‍മല പുനരധിവാസത്തിന്‍റെ ഭാഗമായി മുസ്‌ലിം ലീഗിന്‍റെ നേതൃത്വത്തിലുള്ള വീടു നിര്‍മാണം നിർത്തി വയ്ക്കാൻ നിർദേശം.
മേപ്പാടി പഞ്ചായത്ത് സെക്രട്ടറിയാണ് ലീഗ് നേതാക്കള്‍ക്ക് ഇതു സംബന്ധിച്ച്‌ നിര്‍ദേശം നല്‍കിയത്.
ലാൻഡ് ഡെവലപ്മെന്‍റ് പെർമിറ്റ് നടപടിക്രമം പാലിക്കാതെ നിർമാണം നടത്തുന്നുവെന്ന് ആരോപിച്ച്‌ സെക്രട്ടറി നോട്ടീസ് നല്‍കിയിരുന്നു. തുടർന്ന് പഞ്ചായത്ത് സെക്രട്ടറി സ്ഥലം സന്ദർശിച്ച്‌ നിർമാണം നിർത്തി വയ്ക്കാൻ നിർദേശം നല്‍കുകയായിരുന്നു.
നിർമാണം തുടർന്നാല്‍ സ്റ്റോപ്പ് മെമോ നല്‍കുമെന്നും പഞ്ചായത്ത് സെക്രട്ടറി പറഞ്ഞു. ഇതിനെതിരെ പ്രതിഷേധവുമായി മുസ്‌ലിം ലീഗ് പ്രവർത്തകർ രംഗത്തെത്തി.
