പയ്യോളി: ഹൈബ്രിഡ് കഞ്ചാവും എം.ഡി.എം.എ യുമായി പയ്യോളിയില്‍ യുവാവ് പിടിയില്‍.
പയ്യോളി കിഴക്കേ കൊല്ലുമ്മല്‍ ഷെഫീഖ് (34) ആണ് പിടിയിലായത്.
ഇന്നലെ പുലർച്ചെ അഞ്ച് മണിയോടെ പയ്യോളി ബീച്ച്‌ റോഡില്‍ വെച്ച്‌ റൂറല്‍ എസ്‌പി കെ.ഇ ബൈജുവിന് കിട്ടിയ രഹസ്യ വിവരത്തിൻ്റെ അടിസ്ഥാനത്തില്‍ വടകര ഡിവൈഎസ്‌പി ഹരിപ്രസാദിന്റെ നേതൃത്വത്തില്‍ ജില്ലാ ഡാൻസാഫ് സ്ക‌ാഡും പയ്യോളി പോലീസും നടത്തിയ പരിശോധനയിലാണ് പിടിയിലായത്.
പ്രതിയില്‍ നിന്നും 2.45 ഗ്രാം എം ഡി എം എയും 6.87 ഗ്രാം ഹൈബ്രിഡ് കഞ്ചാവും കണ്ടെടുത്തു.
ഡാൻസാഫ് സംഘം നടത്തിയ പെട്രോളിങ്ങിനിടെ KL 11 AF 7222 നമ്പർ കാറില്‍ വില്പനയ്ക്കായി എത്തിച്ച എം.ഡി.എം.എയും ഹൈബ്രിഡ് കഞ്ചാവുമായി യുവാവി പിടിയിലാവുകയായിരുന്നു.
ഇയാള്‍ നിലവില്‍ മണിയൂരില്‍ ആണ് താമസം. സംഭവത്തില്‍ പോലീസ് ഇയാളുടെ കാറും കസ്റ്റഡിയിലെടുത്തു. വൈദ്യ പരിശോധനയ്ക്ക് ശേഷം പ്രതിയെ ഇന്ന് കോടതിയില്‍ ഹാജരാക്കും.
