Zygo-Ad

നാദാപുരം കല്ലാച്ചിയില്‍ സംസ്ഥാനപാത കയ്യേറി പടക്കം പൊട്ടിച്ച സംഭവം: മൂന്ന് പേര്‍ അറസ്റ്റില്‍


നാദാപുരം: കല്ലാച്ചിയില്‍ സംസ്ഥാനപാത കയ്യേറി വാഹന ഗതാഗതം തടസപ്പെടുത്തി റോഡില്‍ പടക്കം പൊട്ടിച്ച കേസില്‍ മൂന്ന് പേർ അറസ്റ്റില്‍.

കല്ലാച്ചി ചീറോത്ത് മുക്ക് സ്വദേശി നടുവത്ത് വീട്ടില്‍ ഇമ്രാൻ ഖാൻ (28), കല്ലാച്ചി സ്വദേശികളായ മത്തത്ത് സജീർ (27), പുത്തൻ പുരയില്‍ മുഹമ്മദ് റാഫി (27) എന്നിവരെയാണ് നാദാപുരം ഇൻസ്പെക്ടർ അറസ്റ്റ് ചെയ്യത്.

പൊലീസ് കേസെടുത്തത് അറിഞ്ഞ് ഒളിവില്‍ പോവാൻ ശ്രമിക്കുന്നതിനിടയിലാണ് പ്രതികള്‍ പിടിയിലായത്. 

ഞായറാഴ്ച രാത്രിയില്‍ ഒരു സംഘം യുവാക്കള്‍ തിരക്കേറിയ കല്ലാച്ചി-നാദാപുരം റോഡില്‍ വെച്ച്‌ പടക്കം പൊട്ടിച്ചതു മൂലം ഏറെസമയം ഗതാഗതം തടസ്സപ്പെട്ടു.

സംഭവം വിവാദമായതോടെ കണ്ടാലറിയാവുന്ന 15 പേർക്കെതിരെ നാദാപുരം പോലിസ് കേസെടുക്കുകയായിരുന്നു. 

സോഷ്യല്‍ മീഡിയയില്‍ പ്രചരിച്ച ദൃശ്യങ്ങളില്‍ നിന്നാണ് പോലീസ് പ്രതികളെ തിരിച്ചറിഞ്ഞത്. കേസിലെ മറ്റ് പ്രതികളെയും തിരിച്ചറിഞ്ഞതായും അവരേയും ഉടൻ അറസ്റ്റ് ചെയ്യുമെന്നും സിഐ പറഞ്ഞു.

വളരെ പുതിയ വളരെ പഴയ