കല്‍പറ്റ: വയനാട്ടില്‍ വിവിധ ഇടങ്ങളില്‍ കനത്ത വേനല്‍ മഴയും കാറ്റും. വൈകിട്ട് രണ്ടു മണിയോടു കൂടിയാണ് മഴ ശക്തി പ്രാപിച്ചത്.
കേണിച്ചിറ യില്‍ വിവിധയിടങ്ങളില്‍ മരം കടപുഴകി വീണു. പലയിടങ്ങളിലും വൈദ്യുതി ബന്ധം വിച്ഛേദിക്കപ്പെട്ടിട്ടുണ്ട്. കാറ്റാടി കവല, പൂതാടി മേഖലകളിലും നാശനഷ്ടമുണ്ടായി. നടവയലില്‍ കനത്ത കാറ്റില്‍ കോഴിഫാമിന്റെ ഷീറ്റുകള്‍ പറന്നു പോയി.
ഫാമില്‍ ഉണ്ടായിരുന്ന 3500 ഓളം കോഴികുഞ്ഞുങ്ങള്‍ ചത്തു. നടവയല്‍ പുഞ്ചക്കുന്ന് ജോബിഷിന്റെ ഫാം ആണ് തകർന്നത്. ഇവിടങ്ങളില്‍ ഓറഞ്ച് അലർട്ട് പ്രഖ്യാപിച്ചിരിക്കുകയാണ്.
ഇടുക്കി തൊടുപുഴയില്‍ ഉച്ചയ്ക്കു ശേഷം ഉണ്ടായ ശക്തമായ കാറ്റിലും മഴയിലും കൃഷി നാശവും ഗദാഗത തടസ്സവുമുണ്ടായി.
വെങ്ങല്ലൂർ സിഗ്നല്‍ ജംഗ്ഷനിലും അച്ചൻ കവലയിലുമാണ് മരങ്ങള്‍ കടപുഴകി വീണ് ഗതാഗതം തടസ്സപ്പെട്ടത്. ഫയ ഫോഴ്സെത്തി മരങ്ങള്‍ മുറിച്ചു മാറ്റി ഗതാഗതം പുനസ്ഥാപിച്ചു.
അച്ഛൻ കവലയിലെ സ്വകാര്യ സ്ഥാപത്തിൻറെ ഷെഡ് ഭാഗികമായി തകന്നു. മണക്കാട് മേഖലയില്‍ പലയിടങ്ങളിലും കൃഷി നാശമുണ്ടായി. ആളപായം ഒരിടത്തും റിപ്പോർട്ട് ചെയ്തിട്ടില്ല. നിലവില്‍ മഴ തോർന്നു.
