കോഴിക്കോട്: കഞ്ചാവ് കലർത്തിയ ചോക്ലേറ്റുകളുമായി ഡല്‍ഹി സ്വദേശി നാദാപുരം എക്സൈസിന്റെ പിടിയിലായി. ഡല്‍ഹി നോർത്ത് ഈസ്റ്റ് ജില്ലയില്‍ സീലംപൂർ താലൂക്കില്‍ മൊഅനീസ് അജം ( 42) ആണ് പിടിയിലായത്.
കുറ്റ്യാടി - തൊട്ടില്‍ പാലം റോഡിലെ സ്റ്റേഷനറിക്കടയില്‍ വെച്ചാണ് കഞ്ചാവ് കലർന്ന ചോക്ലേറ്റുമായി പിടിയിലായത്. പിടിച്ചെടുത്ത കഞ്ചാവ് മിഠായി 348 ഗ്രാം തൂക്കം ഉണ്ട്.
നാദാപുരം എക്സൈസ് റെയ്ഞ്ച് ഓഫീസിലെ എക്സൈസ് ഇൻസ്പെക്ടർ അനിമോൻ ആന്റണി യുടെ നേതൃത്വത്തിലാണ് പരിശോധന നടത്തിയത്.
