സുല്‍ത്താൻ ബത്തേരി: മീനങ്ങാടി ചെണ്ടക്കുനിയില്‍ നിന്ന് കാണാതായ പ്രായ പൂർത്തിയാകാത്ത പെണ്‍കുട്ടിയെ യു.പിയിലെ കരാനിയില്‍ നിന്ന് കണ്ടെത്തി.
മീനങ്ങാടി സ്റ്റേഷനിലെ എ.എസ്.ഐ സുബൈദ, ഹെഡ് കോണ്‍സ്റ്റബിള്‍ ഉനൈസ്, അഫ്സല്‍ എന്നിവരാണ് കുട്ടിയെ കണ്ടെത്തിയത്.
യുപി പൊലീസിന്റെ സഹായത്തോടെ മീനങ്ങാടി പൊലീസ് മൊഹല്ല ദർബാർ ഖുർദ് സ്വദേശി ഫാസില്‍ ഖുറേഷിയുടെ വീട് റെയ്ഡ് ചെയ്താണ് കുട്ടിയെ കണ്ടെത്തിയത്.
കുട്ടിയെ കാണാനില്ലെന്ന് കാണിച്ച്‌ രക്ഷിതാക്കള്‍ രണ്ടാഴ്ച മുമ്പ് മീനങ്ങാടി പൊലീസില്‍ പരാതി നല്‍കിയിരുന്നു.
മീനങ്ങാടിയില്‍ വസ്ത്ര വ്യാപാരിയായി എത്തിയ ഫാസില്‍ ഖുറേഷിയാണ് കുട്ടിയെ പ്രലോഭിപ്പിച്ച്‌ കൂട്ടിക്കൊണ്ടു പോയതെന്ന് കണ്ടെത്തിയിരുന്നു.
തുടർന്ന് ഫാസിലിനെ തേടി ഹൈദരാബാദ്, ഡല്‍ഹി എന്നിവിടങ്ങളില്‍ പൊലീസ് പോയെങ്കിലും കണ്ടെത്താനാകാതെ മടങ്ങേണ്ടി വന്നു. കഴിഞ്ഞ ശനിയാഴ്ചയാണ് അന്വേഷണ സംഘം യു.പിയില്‍ എത്തുന്നത്.
ഫാസിലിനെ അറസ്റ്റ് ചെയ്തു. പെണ്‍കുട്ടിയുമായി അന്വേഷണ സംഘം മീനങ്ങാടിയിലേക്ക് തിരിച്ചതായി മീനങ്ങാടി സ്റ്റേഷനില്‍ നിന്നും അറിയിച്ചു
