ഷൊർണ്ണൂർ: വികസന മുരടിപ്പിനെതിരെ പ്രതിഷേധിക്കാനെത്തിയ യൂത്ത് കോണ്ഗ്രസ് പ്രവർത്തകൻ നിഷാദ് തലശ്ശേരിയെ ചെറുതുരുത്തിയില്‍ സിപിഎം പ്രവർത്തകർ മർദ്ദിച്ചെന്ന് പരാതി.മർദ്ദനത്തില്‍ നിഷാദ് തലശ്ശേരിക്ക് പരിക്കേറ്റു. സംഭവത്തിന് പിന്നാലെ ചെറുതുരുത്തിയില്‍ കോണ്ഗ്രസ് പ്രവർത്തകർ പ്രതിഷേധിക്കുകയാണ്.
പോലീസിനെതിരെ യൂത്ത് കോണ്ഗ്രസ് പ്രവർത്തകർ പ്രതിഷേധവുമായി രംഗത്തെത്തി. അതേസമയം, പോലീസിനു മുന്നില്‍ വച്ചായിരുന്നു മർദ്ദനമെന്ന് നിഷാദ് പറഞ്ഞു. പരിക്കേറ്റ നിഷാദിനെ ആംബുലൻസില്‍ കൊണ്ടുപോയി. അതിനിടെ, സ്ഥലത്ത് എത്തിയ പോലീസിന് നേരെയും റോഡ് ഉപരോധിച്ചും കോണ്ഗ്രസ് പ്രതിഷേധിക്കുകയാണ്.സ്ഥലത്ത് സംഘർഷവസ്ഥ നിലനില്‍ക്കുകയാണ്.
