തലശ്ശേരി: ഒക്ടോബര്‍ 16,17,18 തീയ്യതികളിലായി തലശ്ശേരി വി.ആര്‍.കൃഷ്ണയ്യര്‍ മെമ്മോറിയല്‍ നഗരസഭാ സ്റ്റേഡിയത്തില്‍ നടക്കുന്ന ജില്ലാ സ്‌കൂള്‍ കായിക മേളയോടനുബന്ധിച്ച് ഗ്രീന്‍ പ്രോട്ടോക്കോള്‍ കമ്മിറ്റി രൂപീകരിച്ചു. തലശ്ശേരി നഗരസഭ ആരോഗ്യകാര്യ സ്ഥിരംസമിതി ചെയര്‍പേഴ്സണ്‍ ടി.കെ സാഹിറ ഉദ്ഘാടനം ചെയ്തു.
എ വിനോദ്കുമാര്‍ അധ്യക്ഷനായി. കായികമേള നടക്കുന്ന ദിവസങ്ങളില്‍ സ്റ്റേഡിയത്തിനകത്തും പുറത്തും ഹരിത പെരുമാറ്റച്ചട്ടം കര്‍ശനമായി നടപ്പിലാക്കുവാന്‍ യോഗം തീരുമാനിച്ചു.
കമ്മിറ്റിയുടെ ചെയര്‍പേഴ്സണായി നഗരസഭ ആരോഗ്യകാര്യ സ്ഥിരം സമിതി ചെയര്‍പേഴ്സണ്‍ ടി.കെ.സാഹിറ പ്രവര്‍ത്തിക്കും. ജില്ലാ ശുചിത്വ മിഷന്‍ പ്രതിനിധികളായ ഇ മോഹനന്‍, പി അശോകന്‍, ഹരിത കേരളമിഷന്‍ കോ ഓര്‍ഡിനേറ്റര്‍ ലതകാണി, ഗവ. ബ്രണ്ണന്‍ കോളേജ് ഓഫ് ടീച്ചര്‍ എജ്യുക്കേഷന്‍ പ്രിന്‍സിപ്പല്‍ ഡോ.പി പ്രശാന്ത്, ഗവ. ബ്രണ്ണന്‍ എച്ച് എസ് എസ് പ്രധാനാധ്യാപിക ഒ.പി ശൈലജ, വി.പി രാജീവന്‍, കെ.പി വേണുഗോപാലന്‍, പി സുചിത്ര എന്നിവര്‍ പങ്കെടുത്തു.
