സി പി ഐ എം 24ആം പാർട്ടി കോൺഗ്രസ്സിന്റെ ഭാഗമായി നടത്തപ്പെടുന്ന തലശ്ശേരി ഏരിയ സമ്മേളനം മാഹിയിൽ നടക്കും.നവബർ 27, 28, 29 തീയ്യതികളിലാണ് സമ്മേളനം മാഹിയിൽ നടക്കുക.
മാഹി കേപ്പിറ്റോൾ വെഡ്ഡിംഗ് സെന്ററിൽ നടന്ന സമ്മേളനം വിജയിപ്പിക്കാനുള്ള സംഘാടക സമിതി യോഗം സി പി ഐ എം കണ്ണൂർ ജില്ലാ കമ്മിറ്റി അംഗം എം സി പവിത്രൻ ഉദ്ഘാടനം ചെയ്തു.
ജില്ലാ സെക്രട്ടറിയേറ്റ് മെമ്പർ കാരായി രാജൻ, ടി സി എച്ച് വിജയൻ , മുഹമ്മദ് അഫ്സൽ, പ്രൊഫസർ എ. വത്സലൻ, ടി. അശോക് കുമാർ, എന്നിവർ സംസാരിച്ചു.
ഏരിയ സെക്രട്ടറി സി.കെ രമേശൻ സ്വാഗതവും കാരായി ചന്ദ്രശേഖരൻ അധ്യക്ഷതയും വഹിച്ചു. സംഘാടക സമിതി ചെയർമാനായി കെ.പി സുനിൽ കുമാറിനെയും കൺവീനറായി കെ.പി നൗഷാദിനെയും തിരഞ്ഞെടുത്തു..
